![](https://blogger.googleusercontent.com/img/b/R29vZ2xl/AVvXsEggze676yp_0ws35aEP8kBO34Q4Bb1oa_Qt2F372H9FuXAD9ISNWQTtiZIS76PUuKMBhl0nUe7NkTLnOM03fqMGN7Sc76C-OTtXkdBk1jDt9guEsht9687admoyEdooztr0EgY4W2eowAI/s1600/dream.jpg)
ସ୍ବପ୍ନ ଆସି କେତେବେଳେ
ଲହଡି ଯେ ଭାଙ୍ଗେଶୁଷ୍କ ମୋର ଆଖିପତା ତଳେ
ଢଳ ଢଳ ଲୁହ ବିନ୍ଦୁ ହୋଇ,
ମନ ବେଳାଭୂମି ପରେ
ସିଞ୍ଚିଦେଇପ୍ରେମ ବାରି
ଆସେ ପୁଣି ମୋ ମନରେ
ଅସରନ୍ତି ଆଶା ଭରିଦେଇ ।
କେବେ ପୁଣି
ମନ୍ଦ ମଳୟ ହୋଇ
ଛୁଇଁ ଯାଏ ହୃଦୟକୁ
ଆନମନା କରି ।
ହେଲେ କାହିଁକି ଯେ ଆସେ ସିଏ
ବାରମ୍ବାର ଫେରି ପୁଣି
ବୁଝିପାରେନାହିଁ
ନିରାଶାରେ ଆଶା ଦୀପ ଜାଳି ।
ସତରେ ସେ
କେତେ ଭଲ ପାଏ !!!
ଛୁଇଁଦେଲେ ସିଏ ଥରେ
ଜୀବନ୍ୟାସ ସତେ ପାଇଯାଏ
ମୃତ ମୋର ଚେତନାରେ
କବିତାର ଅପରୂପ
ଛନ୍ଦ ତୋଲିଦିଏ ।
ମୋ ଅଜାଣତେ
ତାକୁ କହୁଥାଏ
ରେ ସ୍ବପ୍ନ ପାରିବିନି
ତୋତେ ପୁରାକରି
କାହିଁକି ଆସୁଚୁରେ ବାରମ୍ବାର
ମନେ ଆଶା ଭରି।
ଯା ଯା ଫେରି
ହେଲେ ଦେବୁନାହିଁ
ମତେ ପରକରି
ଏ ଜନ୍ମରେ ପାରିଲିନି ସିନା
ଅପେକ୍ଷା କରିବୁ ନିଶ୍ଚେ
ଆରଜନ୍ମେ ଦେବି ପୁରାକରି ।।
Writer's Details: ହାସ୍ୟମୟୀ ରାଜ୍ (ଶିକ୍ଷୟିତ୍ରୀ)
ଓରାଳି, ହାଟଡିହି, କେନ୍ଦୁଝର ।
Content Category:
Submission Date: Aug 06, 2019
0 Comments
You can write now your valuable comments here. Off-topic comments may be removed or deleted without prior notice.