ସମୟର ଜାଲ ଯେବେ ଧରିନିଏ
କାତି ଛଡାଇବାକୁ ପଡେ...
ବକ୍କଳ ଆପେଆପେ ଛାଡିଯାଏ,
ପତ୍ରଝଡ଼ାର ଲଗନ ଆଙ୍କିଦିଏ
ନବ ଉପମାଟିଏ...
ମଖମଲ୍ଲୀ ସ୍ବପ୍ନରେ ବିଭୋରିତ ହେବାପାଇଁ ।
ଏବେ ଖୋଜାଚାଲିଛି ଖୋଳପା...
ସମଗ୍ର ଜୀବ ଜଗତରେ ଅଭାବ
ନିଜ ପାଇଁ ଖୋଳପାଟିଏ ଯୋଗାଡିବାରେ,
କ୍ରୋଦ୍ଧ, ଅଭିମାନ ଧୋକାବାଜୀ
ପ୍ରେମ ଓ ଯୁଦ୍ଧ ପାଇଁ ତ ଜାଗା ଅଛି,
ଲୁହ ଧାର ପାଇଁ ଚିବୁକ ଅଛି,
ହେଲେ ହସିବା ପାଇଁ ନାହିଁ ଜାଗାଟିଏ !
ଏମାନଙ୍କର ବିଶ୍ବାସର କ୍ଷେତ୍ର
ଏତେ ପ୍ରଶସ୍ତ ଯେ...
ଜାଗା ନାହିଁ ଅବିଶ୍ବାସକୁ ସାଇତିବା ପାଇଁ ।
କେମିତି ଜାଣନ୍ତି ଏ ଜୀବମାନେ
ପ୍ରକୃତିର ନିୟମ ଧାରା ?
ଅବ୍ୟବସ୍ଥାରେ ବଞ୍ଚିବାର ବ୍ୟବସ୍ଥା !
କେମିତି ମନେରଖିବା ପାଇଁ
ଜାଗାଟିଏ ରଖିନାହାଁନ୍ତି ?
ଏମାନଙ୍କ ଖୋଳପାର ଜଡାଉ ସଙ୍କୁଚିତ !
ଆବିଷ୍କାରର ଏ ଗୀତିକା କ୍ଷୀଣ ଲଗ୍ନା !
ଏ ଉଦ୍ଭାବନ ଉଦ୍ଭ୍ରାନ୍ତର ମରୀଚିକା,
କାହି କେତେ ଦୂରେ ଶୁଭେ
ଉଦାନର ତାକତରକା ସ୍ବର...
ଖୋଜୁ କାହିଁ ପାଇଁ ଅନ୍ୟର ସାହାରା,
ଅଦ୍ବୀତିୟ ତୋ' ନିଜର ଖୋଳପା ।
ପ୍ରଶାନ୍ତ କୁମାର ସାହୁ, ଛତ୍ରଗଡ, ଖୋର୍ଦ୍ଧା
- ମୂଳପୃଷ୍ଠା
- ପୂର୍ବ ପ୍ରକାଶିତ
- _କବିତା
- _କ୍ଷୁଦ୍ରଗଳ୍ପ
- _ପ୍ରବନ୍ଧ
- _ରମ୍ୟ ରଚନା
- _ପୁରାଣ କଥା
- _ଶିଶୁ ସାହିତ୍ୟ
- __ଛବିଟିକୁ ଗୀତଟିଏ
- __ଶିଶୁଗଳ୍ପ
- __ଶିଶୁ କବିତା
- __ପଞ୍ଚତନ୍ତ୍ର କାହାଣୀ
- _ବହିପତ୍ର
- __ବଣମଲ୍ଲୀ ଇ-ବୁକ
- __ପୂର୍ଣ୍ଣଚନ୍ଦ୍ର ଭାଷାକୋଷ
- __କବିତା କଲ୍ଲୋଳିନୀ
- __ଲାବଣ୍ୟବତୀ
- __ବୈଦେହୀଶ ବିଳାସ
- __ରସକଲ୍ଲୋଳ
- __ମନବୋଧ ଚଉତିଶା
- __କିଶୋର ଚନ୍ଦ୍ରାନନ ଚମ୍ପୁ
- __ତପସ୍ଵିନୀ
- __ସାରଳା ମହାଭାରତ
- ବହି ଓ ପତ୍ରିକା
- ୱେବ ରେଡିଓ
- ଇଭେଣ୍ଟ
- ସାହିତ୍ୟ ସଂସ୍କୃତି ଖବର
- ପୂର୍ବ ସଂସ୍କରଣ
- ନୂତନ ସଂସ୍କରଣ
0 Comments
You can write now your valuable comments here. Off-topic comments may be removed or deleted without prior notice.