ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

ବହୁ ପ୍ରତୀକ୍ଷାର ଅନ୍ତ ଘଟାଇ
ତୁମେ ଆଜି ଦେଲ ଦେଖା
ଅତୀତରେ ମୋତେ ବାରବାର ଠକି
ନେଇଛ କେତେ ପରୀକ୍ଷା ॥

ତୁମରି ଆଖିକୁ ପ୍ରଥମେ ଦେଖିଲି
ସପନ ମୋ ହେଲା ସତ
ଆପେ ଭରିଗଲା ଏଇ ହୃଦୟରେ
ବହୁଦିନୁ ଥିବା କ୍ଷତ ॥


ଆଜି ଏଇ ଦିନ ମୋ ଜୀବନର
ଇତିହାସେ ହେବ ଲେଖା
ବହୁ ପ୍ରତୀକ୍ଷାର ଅନ୍ତ ଘଟାଇ
ତୁମେ ଆଜି ଦେଲ ଦେଖା ॥

ରୂପରେ ଗୁଣରେ ତୁମେ ଅନୁପମା
ତୁମର ତୁଳନା ନାହିଁ
ହଜି ମୁଁ ଯାଇଛି ତୁମରି ପାଖରେ
ତୁମ ହୃଦୟକୁ ଛୁଇଁ ॥


କଥା ଦେଇ ଯାଅ ଏ ଚଲାବାଟରେ
ମୋତେ କରିବନି ଏକା
ବହୁ ପ୍ରତୀକ୍ଷାର ଅନ୍ତ ଘଟାଇ
ତୁମେ ଆଜି ହେଲ ଦେଖା ॥