![](https://blogger.googleusercontent.com/img/b/R29vZ2xl/AVvXsEgFXCYjyAxfE66oG6MCajTgX192_aqBzV8Qb-l3o5AlQZ2eOtBDwLFy_PDaodf8wT0S430fq9n9W1bs-WX-ogK3kE5k1MuBmOHME8q9bAYlABZ77VEBny6mz1gDzUlr8JT0Qu7CyrfNlMQ/s1600/writing.jpeg)
କାହାପାଇଁ ଲେଖିବି ମୁଁ ପ୍ରେମର କବିତା
ନା ଅଛି ପ୍ରେମର ରଙ୍ଗ ମଞ୍ଚ
ନା ଅଛି ମୋର ପ୍ରେମିକା ।
ସ୍ଵପ୍ନେ ହେଉ ଅବା ବାସ୍ତବରେ ହେଉ
ମୋ ଜୀବନ ଚାଲଇ ଏକା ॥
ପ୍ରେମର ଫଗୁଣ ଦୁରେଇ ଦେଇଛି
ନିରଳା ହୃଦୟ ରଚି ।
ବନ୍ଧୁତ୍ଵ ରେ ମୋର ଆଙ୍କି ଦେଇଅଛି
ଘୃଣ୍ୟ ଭରା ପ୍ରଶ୍ନ ବାଚୀ ।
ଦୁର୍ଭାଗ୍ୟ ଜୀବନେ କେହି ଆସିନାହିଁ
ବାନ୍ଧିବାକୁ ପ୍ରେମ ସୂତା
କାହାପାଇଁ ଲେଖିବି ମୁଁ ପ୍ରେମର କବିତା ।
ଗୋଲାପ କହୁଛି ମତେ ତୁ ଛୁଅଁନା,
ଡାଏରୀ କହୁଛି ମତେ ।
ଆକାଶର ଚାନ୍ଦ ଲାଜେଇ ପଡୁଛି
କାହାକୁ କହିବି ଏତେ ॥
କେହି ନ ଚାହାନ୍ତି ବୁଝିବାକୁ ମୋର
ଆକାଂକ୍ଷିତ ମନ କଥା ।
କାହାପାଇଁ ଲେଖିବି ମୁଁ ପ୍ରେମର କବିତା ।
ଥୁଣ୍ଟା ମରୁଭୂମି ହୃଦୟ ସାଜିଛି
ଗଢି ପ୍ରେମ ମରୀଚିକା ।
ତୃଷ୍ଣା ବାଟୋଇ ଟେ ସଜାଇଛି ମତେ
ଏଇ ଜୀବନ କୁ କରି ଫିକା ॥
ଭାଙ୍ଗିଯାଇ ଅଛି ମନଟା ମୋହର
ହରାଇ ପ୍ରେମର ବାର୍ତ୍ତା ।
କାହାପାଇଁ ଲେଖିବି ମୁଁ ପ୍ରେମର କବିତା ।
0 Comments
You can write now your valuable comments here. Off-topic comments may be removed or deleted without prior notice.