ବିଶ୍ଵକର୍ମା - ପ୍ରଫୁଲ୍ଲ ଚନ୍ଦ୍ର ମିଶ୍ର

• ବିଶ୍ଵକର୍ମା / , ଆଜି ପୁଣ୍ୟତିଥି  /, ମୁଁ , କରେ ତବ ଆରାଧନା ,

• ହେ ଦେବ କୁଳ ମହାରଣା / , ବିଶ୍ଵକର୍ମା / , ଆଜି ପୁଣ୍ୟ ତିଥି,

• ମୁଁ, କରେ ତବ ଆରାଧନା  ।।

•

• କୋଟି ବାଳାର୍କ ବରଣ /, ଜିଣି ତବ କାନ୍ତି ବର୍ଣ୍ଣ

• ହସ୍ତେ ମୁଗୁର,ନିହାଣ / କଲ ବିଶ୍ଵ ସମ୍ଭାବନା ,

• ବିଶ୍ଵକର୍ମା/, ଆଜି ପୁଣ୍ୟ ତିଥି /, ଆସ, ସ୍ଵାଗତଂ ବହୁବର୍ଣ୍ଣା ,

• ମୁଁ , କରେ ତବ ଆରାଧନା ।।

•

• ଇନ୍ଦ୍ରଦ୍ୟୁମ୍ନ ଯେ ରାଜନ / ପାଇଥିଲେ ଦାରୁବ୍ରହ୍ମ

• ଚତୁର୍ଦ୍ଧା ମୂର୍ତ୍ତୀ ଗଠନ / କରିଥିଲ ତୁମେ ସିନା

• ବିଶ୍ଵକର୍ମା/ ,ଆଜି ପୁଣ୍ୟ ତିଥି / ଦେଖ , ନୀଳଚକ୍ରେ ଉଡେବାନା

• ମୁଁ , କରେ ତବ ଆରାଧନା ।।

•

• ପଢିଛି ଲକ୍ଷ୍ମୀ ପୁରାଣ / ମନ୍ଦିର ହେଲା ବାରଣ

• ବାରିଧି କୁଳେ ସେଦିନ / ‌ହର୍ମ୍ୟ କରିଲ ରଚନା

• ବିଶ୍ଵକର୍ମା/ ,ଆଜି ପୁଣ୍ୟ ତିଥି / ଏବେ , ରହିଛି ସେହି ରଚନା

• ମୁଁ, କରେ ତବ ଆରାଧନା ।।

•

• ତୁମେ ବୈକୁଣ୍ଠ ଭୂବନ / କରତା ବିଶ୍ଵ ବନ୍ଦନ

• ବହୁରୂପୀ ନାରାୟଣ / କେ କରିବ ତୋ ବର୍ଣ୍ଣନା

• ବିଶ୍ଵକର୍ମା/ , ଆଜି ପୁଣ୍ୟ ତିଥି / ମୋର ,ପୁଷ୍ପାଞ୍ଜଳି କର‌ ଘେନା

• ମୁଁ, କରେ ତବ ଆରାଧନା ।।