ମନ ଆକାଶର ଜହ୍ନ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ତୁମେ ପ୍ରିତୀଧାରା ମନ ଧ୍ରୁବତାରା

• ତୁମେ ଜୀବର ଜୀବନ,

• ତୁମେତରେ ସଖୀ ଶରତ୍-ଚନ୍ଦ୍ର ମୁଖୀ

• ତୁମେ ଅମୂଲ୍ୟ ରତନ,

• ତୁମ ବିନା ସ୍ଵପ୍ନ ନୁହଁଇ ସମ୍ପୁର୍ଣ୍ଣ

• ପ୍ରିୟ ସଖୀ ପ୍ରାଣ ଧନ,

• ତୁମେ ତ ହୃଦ ଚନ୍ଦନ  , ତୂମେ ପ୍ରିତୀ ଧାରା ମନ…  ।।

•

• ତୁମ ନୀଳ ଆଖି କଥାକୁହେ, ଦେଖି

• ଥୟ ହୁଏନାହିଁ ମନ,

• ସତେ ନୀଳକଇଁ ଛଇଳା ସୁ-ଦେହୀ

• ମଧୂଝରା କୁନ୍ଦ ବନ,

• ରତୀପତି ଶର ଅସହ୍ୟ, ସୁନ୍ଦର

• ଛବି ଦେଖିଦେଲେ ତୁମ,

• ତୁମେ ଆକାଶ କୁସୁମ , ତୁମେ ପ୍ରିତୀ ଧାରା ମନ… ।।

•

• ନିସ୍ତେଜିତ ମାଟି ଘଟେ ପ୍ରାଣଶକ୍ତି

• ତୁମେ ଦେବୀ ଶକ୍ତି ସମ,

• ସତେ ନିୟନ୍ତ୍ରିତ କରିଛ ରେ ମିତ

• କରିଅଛ ଶକ୍ତିମାନ୍,

• କେମିତି ଭୁଲିବି ରେ ନୟନ ଛବି

• ବାନ୍ଧି ଦେଇଅଛ ମନ,

• ମନ ଆକାଶ ର ଜହ୍ନ , ତୁମେ ପ୍ରିତୀ ଧାରା ମନ…  ।।