ଚିତ୍ରପଟ୍ଟ - ରବୀନ୍ଦ୍ର କୁମାର ବିଶ୍ଵାଳ

ବେଳ ଅବେଳରେ ମନେ ପଡିଯାଏ
ତୁମ ଲାଜୁଆ ଲାଜୁଆ ମୁହଁର ହସ ଟିକକ
ମହୁଲ ଫୁଲର ବାସ୍ନା ପରି ଆବୋରି ନେଇଯାଅ
ମୋ ମନର ଗନ୍ତାଘରଏବଂ ଶୁନ୍ୟତାକୁ
ଚିତ୍ରପଟରେ ଭାସିଆସେ ସେଇ ଝାପସା ଝାପସା
ସୂର୍ଯ୍ୟଦୋୟ ତୁଲ୍ୟ ହସହସ ମୁହଁ ,
ଏବେ କିନ୍ତୁ ସେସବୁ ଯେଉଁଠୁ ଆରମ୍ଭ ସେଇଠି ଶେଷ,
ସବୁ ଅଙ୍କ ମନସାଙ୍କ ଭୁଲଭାଲ ହେଇ ଯାଇଛି ,
ସମ୍ପର୍କର ଅପହଞ୍ଚ ଇଲାକାରେ
କେତେଯେ କାହାଣୀ ଛପି ରହିଛି
ସେସବୁଏବେ କେଉଁଏକ ଦିଗ୍ବଳୟର ସେପାରିରେ
ଏବେକିନ୍ତୁ,ସେସବୁଭାବିବାକୁମନା ,
ଛୁଇଁବା ତ ଦୂରର କଥା
ସ୍ୱପ୍ନ ଦେଖିବା ବି ବୋଧେ ଅପରାଧ ହେଇଯିବ,
ଏବେ ତ ହସିବାକୁ ବି ମନା,
କେବଳ ଅଭିନୟ ହିଁ ଅଭିନୟ
ନିର୍ଦ୍ଦେଶକ କିମ୍ବା ଦର୍ଶକଙ୍କ ଆବଶ୍ୟକ ପଡୁନି
କାରଣ ତୁମେ ଶିଖେଇ ଦେଇ ଯାଇଛ
ଅଭିନୟ ପ୍ରସ୍ତୁତି ଏବଂ ଅଭିନୟ କରିବାର କଳା,

Writer's Details: Rabindra Kumar Biswal,
Acharya Vihar, BHUBANESWAR. Pin-751013. Phone-9337132233
Content Category:
Submission Date: May 31, 2019