ନିଦାଘ ସରିଛି ଶ୍ରାବଣ ଝରିଛି
ସରି ସରି ଆସେ ଶୀତ
ସ୍ମୁତି ଖିଅରୁ ମୁଁ ସାଉଁଟି ଲେଖୁଛି
ଅଠରର ଶେଷ ଗୀତ ।
ଡହ ଡହ ହୋଇ ଜଳିଛି ମୋ ମନ
ଆଖିରୁ ଝରିଛି ଲୁହ
ଅହରହ ମୋତେ ଜଳାଇ ମାରିଛି
ଛାତିଥରା ସେଇ କୋହ ।
ସାରା ଜୀବନକୁ ସ୍ୱପ୍ନ ହୋଇଗଲା
ଥିଲା ଯେ ମନର ମିତ
ସ୍ମୁତି ଖିଅରୁମୁଁ ସାଉଁଟି ଲେଖୁଛି
ଅଠରର ଶେଷ ଗୀତ - - - -
କିଅବା ପାଇଛି କେତେ ହରାଇଛି
ହିସାବ ଯାଇଛି ଭୁଲି
ଏଇମୋ ଛାତିର ଅଲିଭା ଦାଗଟା
ଜାଣେ ଲିଭିବନି ବୋଲି ।
ମହାକାଳ ଫଳ ଜାଣିଲା ପରେବି
ଆଖି ତାକୁ ଭାବେ ହିତ
ସ୍ମୁଟି ଖିଅରୁ ମୁଁ ସାଉଁଟି ଲେଖୁଛି
ଅଠରର ଶେଷ ଗୀତ - - -
ସିଦ୍ଧେଶ୍ବର ତ୍ରିପାଠୀ (ଜୀବନ୍)
କବିର ଘର, କୁଣ୍ଡିଲୋ, କେରଙ୍ଗ, ଖୋର୍ଦ୍ଧା
0 Comments
You can write now your valuable comments here. Off-topic comments may be removed or deleted without prior notice.