![](https://blogger.googleusercontent.com/img/b/R29vZ2xl/AVvXsEip8jwJ7Jd2lDBBR2151FrO2ugtAgzyejR01qj5O1vIptBvmHl8Zm00IjK91TOo6vxmSltcVhOGPLRySCKz8INonHtsvFaYfB-PPmhseys-G9ZoUS37VvjoasANUrCN3ho79iTOuGlv7GoG/s200/60ff61ecfec2d30e394a3528d3f56406-720135.jpg)
ସେହି ଏକା ସୁମଣିଷ
ବି.ନିରୁପମା
ବିନ୍ଦୁ ବିନ୍ଦୁ ଜଳ ମିଶି ହୁଏ ସିନ୍ଧୁ
ସଭିଙ୍କୁ ଏ କଥା ଜଣା ,
ସେହିଭଳି ଛୋଟ ଛୋଟ ଭଲ କାମ
ମହତେ କରିବ ଗଣା ।
ନିତିଦିନ ଆମ ଜାଣ-ଅଜାଣତେ
ଆଖ ପାଖେ ଘଟେ ଯାହା ,
ସଚେତନ ଟିକେ ହୋଇଲେ ପାରିବା
ଅପରକୁ ହୋଇ ସାହା ।
ମଣିଷ ଜନମ ଦେଇକି ବିଧାତା
କରିଛନ୍ତି ଯେଉଁ ଦୟା ,
ପ୍ରତିଦାନେ କିଛି ସୁକାର୍ଯ୍ୟ କରିଲେ
ପବିତ୍ର ହୋଇବ କାୟା ।
ନିଜ ସୁଖ ଲାଗି ଅପରକୁ ଦୁଃଖ
ଦେବାନାହିଁ କଦାଚିତ ,
ଅନ୍ୟାୟ ,ଅସତ୍ୟ ପଥେ ଚଳି ଜମା
ବଢ଼ାଇବା ନାହିଁ ବିତ୍ତ ।
ଆଜି କାଲି କେତେ ବିପରୀତ କଥା
ଘଟୁଛି ବି ସମାଜରେ ,
ସଜାଗ ରହିକି ସାହାଯ୍ୟ କରିଲେ
ଠିକିବାନି ସହଜରେ ।
ଜୀବନ ଯୁଦ୍ଧରେ ଆସିବ ନିଶ୍ଚୟ
ବହୁ ଘାତ ପ୍ରତିଘାତ ,
ସେଥିପାଇଁ କେବେ ବିବ୍ରତ ନ ହୋଇ
ସୁଦୃଢ଼ କରିବା ଚିତ୍ତ ।
ବ୍ରହ୍ମାଣ୍ଡ କରତା ବରଦ ମୁଦ୍ରାରେ
ଢାଳିଦେବେ ଶୁଭାଶିଷ ,
ଆନ ହିତ ଲାଗି ବିତେ ଯା' ଜୀବନ
ସେହି ଏକା ସୁମଣିଷ ।
ମାମୁରିଆ ,ଛେଣ୍ଡିପଦା ,ଅନୁଗୋଳ ।
0 Comments
You can write now your valuable comments here. Off-topic comments may be removed or deleted without prior notice.