(ଏକ)
ଠା ଠା ଶୁଖିଲା ଭୂଇଁରେ ପାଦ ଥାପି
ତୁମେ ଯେବେ ଓହ୍ଲେଇ ଆସିଲ
ଧରିତ୍ରୀର ବୁକୁରେ
ମହକିଗଲା ମାଟିର ବାସ୍ନା
ଅଙ୍କୁରିଗଲା ତୃଣ ମଂଜିରୁ
ଏବେ ଯେଉଁଠି ଦେଖିବ
ସୃଷ୍ଟିର ସ୍ୱାକ୍ଷର
ସବୁଜ ମାୟାରେ ଆନ୍ ମନା ଧରିତ୍ରୀ ।

(ଦୁଇ)
ବର୍ଷା ଆସିଲେ
ସ୍ମୃତିର କାଗଜ ଡଙ୍ଗା ଖୋଜେ
ଗୋଟେ ପରିଚିତର ଠିକଣା
ବୋହିନେବାଲାଗି
ସୁଖଦୁ଼ଃଖ ଲହୁଲୁହ ହସକାନ୍ଦ
ଚୁନାଚୁନା କେତେ ଯେ ଭାବନା ।

Writer's Details: ଘନଶ୍ୟାମ ମହାନ୍ତ
କରଦାଙ୍ଗୀ,ତେଲକୋଇ,କେନ୍ଦୁଝର
Content Category:
Submission Date: Aug 12, 2019