ମାଆ ତୁମେ ଆସ ଏ ଧରାଧାମକୁ
ଚଢି ଶରତ ସବାରୀ
ଖେଳୁ ବିଶ୍ଵେ ସ୍ନେହ, ଶାନ୍ତି, ମୈତ୍ରୀ, ପ୍ରୀତି
ମମତାର ରଙ୍ଗ ଧରି ॥
ପ୍ରତି ମଣିଷର ମନେ ଭରିଯାଉ
ଭାଇଚାରାର ଭାବନା
ଜୀବ ପ୍ରତି ଦୟା ପରିବେଶେ ମାୟା
ଘୁଞ୍ଚୁ କୁତ୍ସିତ ଛଳନା ॥
ତୁମେ ଦୟାକଲେ ସୃଷ୍ଟି ସୁନା ହେବ
ହଟିବ ଅମା ଅନ୍ଧାର
ପଙ୍ଗୁ ଲଙ୍ଘେ ଗିରି ମାଆ ବିଶ୍ଵେଶ୍ଵରୀ
ହସିବ ଆମ ସଂସାର ॥
ତୁମରି କରୁଣା କରିବନି ଊଣା
ମାଆ ଜଗତ ଜନନୀ
କୃପା କରୁଥିବ ଜଗତବାସୀଙ୍କୁ
ଘୋଡାଇ ପଣତକାନୀ ॥
ଅଞ୍ଜିରା, ଓହ୍ଲାଣ, ପୁରୀ
ସମ୍ପର୍କ - ୯୯୩୭୧୯୮୮୭୮
VOL.IX, ISSUE.X, OCTOBER-2025
Published By Banamallira Mahak
