• ମଲାବେଳେ ଟୋପେ   ମହାର୍ଦ ତୋରାଣି    ଆଶା ମୁଁ କରିଛି କେତେ
• ଆଖି ଖୋଲାଥିବ     ଦେଖୁଥିବି ତୋର   କଳା ବଦନ ନିରତେ   ।।
•
• ଅରୁଣ କିରଣ ଝରି ପଡୁଥିଡ        ଦିଗାଙ୍ଗୀ ଶୁଭ୍ର ପତନୀ
• ପିନ୍ଧି ମନଲୋଭା ଦିଶିବ,ମଳୟେ    ଉଡୁଥିବା ତାର କାନି
• ବସିଥିବେ ପାସେ ବନ୍ଧୁ ବର୍ଗ ମୋର  ନେବ ହେ ସରଗ ପଥେ
• ମଲାବେଳେ ଟୋପେ ମହାର୍ଦ ତୋରାଣି ଆଶା…।।
•
• କୋକେଇ ମୋହର ତୁମ ସିଂହଦ୍ଵାର    ଦେଇ ଯେବେ ଯାଉଥିବ
• ସାହାଣ ମେଲାଇ ତୁମେ ଜଗନ୍ନାଥ       ସିଂହାସନେ ବସିଥିବ
• ଚକା ଆଖି କଳା ବଦନ କାଳିଆ   ଏତିକି ମାଗୁଣି ତୋତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ସରଗ ଦୁଆରେ ଜଳିବା ଆଗରୁ    ମହୋଦଧି ପୂତ ଜଳେ
• ଏ ମାଟି ଘଟକୁ ଧୋଇଦେବେ ଆଶା    ରଖିଛି ଏ ମନ ତଳେ
• ପାଞ୍ଚ ଭାଇ ମିଳି ଜୁଇରେ ଥୋଇବେ    ଗାଇ ରାମନାମ ତୁଣ୍ଡେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ବହି ଆସୁଥିବ ଦକ୍ଷିଣା ପବନ   ଜଳୁଥିବ ମୋର ଜୁଇ
• ଏ ପରାଣ ପକ୍ଷୀ ଉଡିବୁଲୁଥିବ     ତୁମ ନାମ ଗାଇ ଗାଇ
• ଏତିକି କାମନା କରି ଜଗନ୍ନାଥ    ଧ୍ୟାୟୁଛି ତୋ ନାମ ଚିତ୍ତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ଶୂନ୍ୟ ହସ୍ତେ ଆସିଥିଲି ଶୁନ୍ୟ ହସ୍ତେ     ଯିବି ମୁଁ ଏ ଧାମ ଛାଡି
• ମୋର ମୋର ବୋଲି କହି କହି କେତେ    କରିଛି ହେ ଘର ବାଡ଼ି
• ଅପାର୍ଥିବ ସବୁ ଜାଣିଲିଣି ବିଭୁ     କ୍ଷମା କରିଦେବ ମୋତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ଜୀବନରେ ଯେତେ ଯାତନା ଯନ୍ତ୍ରଣା     ଭୁଲାଇ ଦିଅହେ ସ୍ଵାମୀ
• କେତେ ପୁଣ୍ୟ ଅବା କେତେ ପାପ କଲି    ତୁମେ ଜାଣ ଅନ୍ତର୍ଯ୍ୟାମୀ
• ଶରଣ ତୋ ପୂତ ରାଜିବ ଚରଣେ      ଫେରାଇ ନେବେ ହେ ମୋତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ଜୁଇରେ ଏ ଘଟ ପାଉଁଶ ହୋଇବ      ସେ ପାଉଁଶ ବିସର୍ଜନ
• ତ୍ରିବେଣୀ ଘାଟରେ ଶ୍ରାଦ୍ଧ ହେଉ ପ୍ରଭୁ     ଗଙ୍ଗା ଜଳେ ହେଉ ଲିନ
• ଅନାଦି ଈଶ୍ଵର ଅନ୍ତର ଦେବତ       ପର କରିବନି ମୋତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।
•
• ଦୁନିଆଁ ହାଟରୁ ସାରିଦିଅ ଖେଳ   ନକର ଆଉ ଉଛୁର
• ମରତ ଭୂଇଁ ରୁ ବିରତ ଦିଅ ହେ  ରାହା ପାଉ ନାହିଁ ମୋର
• ଅଭୟ ପଙ୍କଜ ଛନ୍ଦା ପଦ ଧ୍ୟାଇ    ପ୍ରଫୁଲ୍ଲ ଡାକେ ନିରତେ
• ମଲା ବେଳେ ଟୋପେ ମହାର୍ଦ ତୋରାଣି ଆଶା…।।