![](https://blogger.googleusercontent.com/img/b/R29vZ2xl/AVvXsEjkUceCMkqpOiEXrBSJDQ9zGMl1O0lsgQuGxXq-Exeke6rjVfyqSZ8qGIpmt9IbI_igNTr1Xs9Uax06eqCaSzFRviuwtJ7OF6RzbtLRkNpsEqcHxHFnsQVd2PtgdDHwVma3_epD1iMogP8/s1600/nabanna.jpg)
ନବାନ୍ନ ଆସର ମାଆ ଲକ୍ଷ୍ମୀଙ୍କର
ପଶ୍ଚିମ ଉତ୍କଳେ ଖ୍ୟାତି , ଏ'ଗଣ ପରବ ସମୃଦ୍ଧି ବିଭବ
ଭାବ ବନ୍ଧନର ପ୍ରୀତି ! !
ମାଆ ସମଲାଇ ଭାରି କୃପାମୟୀ
ପଶ୍ଚିମେ ମଉଡ ମଣି ,
ନବାନ୍ନ ସମ୍ପଦା ମୁକ୍ତା ବିଭୁଷିତା
ଚାଷୀକୁଳ ବିଧିରାଣୀ ! !
କୃଷକର ଭୋଜ ମାଆର ବୈଦାନ୍ଯ
ଅଭୟ କୃପାର ଫଳ ,
କୃଷକ ସଂସାର ହସେ ନିରନ୍ତର
ଅଭାବେ କଟେନି କାଳ ! !
ନୂଆ ଖାଇ ପର୍ବ ସମାଜର ଗର୍ବ
ସମ୍ପର୍କରେ ସମ୍ପର୍କିତ ,
ଧନିକି ଗରିବ ସର୍ବେ ଏକାକାର
ସାଜନ୍ତି ପରାଣ ମିତ ! !
ନବ ତଣ୍ଡୁଳରେ ଅନ୍ନଭୋଗ ହୁଏ
ମନପ୍ରାଣ ମୋହି ନିଏ ,
ଭଳିଭଳି ପିଠା ଆରିସା କାକରା
କୁଳବଧୂ ଗଢିଦିଏ ! !
ନାନାଦି ବ୍ୟଞ୍ଜନ ମହୁର ବେଶର
ସବୁଜ ପରିବା ଘାଣ୍ଟ ,
ଛଅ ତିଅଣକୁ ନଅଭଜା ପୁଣି
ନବାନ୍ନ ପରଷେ ବାଣ୍ଟ ! !
ରାଗରୁଷା ଭୁଲି ସର୍ବେ ହ୍ଯୁନ୍ତି ମେଳି
ଶୁଭ ଲଗନରେ ଆସି ,
ଆନନ୍ଦ ମନରେ ଅନ୍ନ ବସନରେ
ଜାହିର କରନ୍ତି ଖୁସି ! !
ବରଷକ ଖୁସି ପାଳନ୍ତି ମନାସି
ଇଷ୍ଟ ଦେଵାଦେବୀ ସ୍ମରୀ ,
ଅନ୍ନର ପସରା ପରିପୂର୍ଣ୍ଣା ଧରା
ଅମାରରେ ଥାଉ ପୁରି ! !
ସ୍ନେହଁ ଶରଧାର ଏ'ଗଣ ପରବ
ପଶ୍ଚିମରୁ ବ୍ୟାପି ଆସୁ ,
ଉତ୍କଳ ମହିମା ପାଳୁ ଭାରତୀମା'
ଜନମନେ ସଦାଭାସୁ ! !
Writer's Details: ସଦାନନ୍ଦ ସାହୁ
ଧୁରୁଷିଆ , ଆଠଗଡ଼ , କଟକ, ଦୂରଭାଷ ସଂଖ୍ୟା - 7978517998
Content Category:
Submission Date: Nov 12, 2019
0 Comments
You can write now your valuable comments here. Off-topic comments may be removed or deleted without prior notice.