ଶରତ କାଳ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ଶରତ ଆସିଛି / ମରତ ଛୁଇଁଛି / ଶୀତଳିତ  ରବି କର

• ଖରା, ଛାଇ ଖେଳ / ଚିତ୍ର ମନୋହର / ବହେ ଅଳସ ଅନିଳ

• ଜଳଧର ରଙ୍ଗ  / ଧବଳ  ତରଙ୍ଗ / ଭାସେ ଆବୋରି ଅମ୍ଵର

• ଶରତ ଆସିଛି / ମରତ ଛୁଇଁଛି / ଶୀତଳ ତପନ କର ।।

•

• ନଈପଠା ଧାରେ / ମାଳମାଳ ଦୋଳେ / କାଶତଣ୍ଡି ଗୁଳ୍ମ ପୁଷ୍ପ

• ଶୁଭ୍ର ଚାମର / ଢାଳିବା ପ୍ରକାର / ଅପରୂପ ତାର ଦୃଶ୍ୟ

• ଜ୍ୟୋତ୍ସ୍ନୀ ମଞ୍ଜରୀ ତା / କୁସୁମ ହରିଦ୍ରା  / କନକ କାନ୍ତି ପ୍ରକାଶ  

• ନଈପଠା ଧାରେ / ମାଳମାଳ ଦୋଳେ / କାଶତଣ୍ଡି ଗୁଳ୍ମ ପୁଷ୍ପ ।।

•

• ନଦ ନଦୀ ଜଳ / ସ୍ଵତ୍ସ ନିର୍ମଳ / ଉତ୍ତାଳେ ଲହରୀ ଖେଳେ

• ତରଙ୍ଗେ ଚଞ୍ଚଳ / ଅମଳ କମଳ / ଢଳେ ହସି ହସରୋଳେ

• ଜାତି ଜାତି ପ୍ରଜା-/ ପତି ହର୍ଷୋତ୍ଫୁଲ୍ଲେ / ଫୁଲ ରୁ ଫୁଲକୁ ଉଡେ

• ନଦ ନଦୀ ଜଳ / ସ୍ଵତ୍ସ ନିର୍ମଳ / ଉତ୍ତାଳେ ଲହରୀ ଖେଳେ ।।

•

• କେଦାର ସୁନ୍ଦର / ଶ୍ୟାମଳ ବିମଳ / ଶସ୍ୟାଦି ଅଳସ ଭାଙ୍ଗେ

• ଶରଦେନ୍ଦୁ ତାର / ରୂପେଲି ଉଜ୍ବଳ / କିରଣେ ଖେଳେ ବିଭଙ୍ଗେ

• ଏକାଳେ କାଶ୍ୟପୀ / ସୁନ୍ଦରୀ ସୁହାସୀ / ପବିତ୍ର ପବିତ୍ର ଲାଗେ

• କେଦାର ସୁନ୍ଦର / ଶ୍ୟାମଳ ବିମଳ / ଶସ୍ୟାଦି ଅଳସ ଭାଙ୍ଗେ ।।

•

• ପୂଣ୍ୟ ତିଥିରେ / ଶରତ ସକାଳେ /  ଶାରଦୀୟ ଦେବୀପୂଜା

• ଧରାବତରଣ / କରନ୍ତି ଏକାଳେ / ଶୈଳପୁତ୍ରୀ ଦଶଭୁଜା

• ତେଣୁ ମହାଦେବୀ / ସ୍ଵାଗତ ପାଇଁକି  / ୟେ ଶରତ ର ସାଜସଜ୍ଜା

• ପୂଣ୍ୟ ତିଥିରେ / ଶରତ ସକାଳେ / ଶାରଦୀୟ ଦେବୀପୂଜା ।।