![](https://blogger.googleusercontent.com/img/b/R29vZ2xl/AVvXsEhDzb09G1j4CPCXA9qJC7CvHzsa_rjOaq31TYrX0l9dRxPJWhq-Kifry-4qK5xhwejdmJ-p25Fw1cModQ6nd3P9yquKXP1vUgY_YJW8YER_he9nR_FHX_4L8x06vYiUrg_w_2bBYw5m8c8/s1600/holi.jpg)
ଋତୁରାଜ ଆସେ ମନ୍ଦ ପବନର ହିଲ୍ଲୋଳରେ ଝୁଲି ଝୁଲି
ଫଗୁଣ ଆସଇ ପଂଚୁଦୋଳ ନେଇ ସାଥିରେ ପରବ ହୋଲି ।ହିରଣ୍ୟକଶ୍ୟୁପ ଭଉଣୀ ହୋଲିକା ପ୍ରହ୍ଲାଦେ ମାରିବ ବୋଲି
ଅଗ୍ନିରେ ପ୍ରବେଶି ପୋଡିମଲା ସିଏ ସ୍ମୃତି ତା'ପାଳନ ହୋଲି ।
ଜୀବନ ଆମର ସାତରଂଗେ ରଂଗା ବାଘନିସ(କୁ)ହଲାନା
ଫଗୁ ରଂଗ ବିଂଚି ବସନ୍ତ ରୋଗକୁ କହିବା ଆମେ ଆସନା ।
ପଂଚ ଦିନ ଆଗୁ ପରେ ପାଂଚ ଦିନ ଦଶଦୋଳ କିଏ ପାଳେ
ରାଧାମାଧବଙ୍କ ଚାଚେରୀ ପ୍ରସାଦ ଝୁଲି ଝୁଲି ବୁଲ ଦୋଳେ ।
ରଂଗର ପରବ ସବୁଠୁ ଅପୂର୍ବ ଭାଇବଂଧୁ କୋଳାକୋଳି
ରାଗଦ୍ୱେଷ କମି ପ୍ରେମରାଗ ବଢେ ଏଇତ ମହାନ ହୋଲି ।
ଅଭିମାନୀ ରାଧା ଚଂଦ୍ରାବଳି ସହ ପଠାଏ କୁଂଜେ ଦୁତିକା
ରସରାଜ କୃଷ୍ନ ଋତୁରାଜ ସାଥେ ଷୋଳ ସହଶ୍ର ଗୋପିକା।
ରଂଗଖେଳ ଆଜି ବିଷାକ୍ତ ହେଲାଣି ହାନିକାରକ ରଂଗରେ
ଜୈବରଂଗ ଭୁଲି ହୋଲି ହୁଏ ଆଜି ଅପ୍ରାକୃତିକ ଢଂଗରେ ।
ଜାତୀୟ ପରବ ନାମଟି ରଖିବା ଲଗାଇ ଜୈବିକ ରଂଗ
ସଂସ୍କୃତିର ଧରୋହର କାହିଁ ଧର ଅପ ସଂସ୍କୃତିର ମଂଗ ।
Writer's Details: ବିଶ୍ୱେଶ୍ୱର ମାଝୀ
Content Category:
Submission Date: Aug 07, 2019
0 Comments
You can write now your valuable comments here. Off-topic comments may be removed or deleted without prior notice.