ଅନ୍ୟ ଏକ ଭିନ୍ନ ନାଟକ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ଫଗୁଣ ନିଶିଥ ମଧୂ ଚନ୍ଦ୍ରିକା

•                        ରୂପେଲି ଚନ୍ଦ୍ରାଲୋକ

• ଜୋଛନାଭିଜା ଏ ରଜନି ସଜନୀ

•                       ଉଛୁଳା ମନର ଭୋକ ।।

•

• ପୁରୁଣା ମଧୂର ବିଜନ ଲଗନ     ସାଇତି ରଖି ମନରେ

• ପ୍ରତିଟି ସକାଳ ଗୁଞ୍ଜରିତ ଏଠି    ତୁମ ସ୍ମୃତି ଚାରଣ ରେ

• ଭାବ ସାଗରରେ ଭାସିଯାଏ,ଆଖି-   ଆଗେ ନଚେ ଚନ୍ଦ୍ର ମୁଖ

• ଫଗୁଣ ନିଶିଥ ମଧୂ ଚନ୍ଦ୍ରିକା…।।

•

• ଅପରୂପ ମୟୀ ପାହାନ୍ତି ଆକାଶ     ସତେକି ଗୋ କୁଆଁ ତାରା

• ଆହାକି ସରାଗେ ହସନ୍ତ ଲଗନେ   ମୋ ହାତରେ ଦେଲଧରା

• ସେଦିନର ସେଇ ଅଭୁଲା ପରଶ        ଅପାସୋରା ସ୍ମୃତି ଏକ

• ଫଗୁଣ ନିଶିଥ ମଧୂ ଚନ୍ଦ୍ରିକା…।।

•

• କୁମାରୀ ମନର ନିଦ୍ରା ଭାଙ୍ଗି ଦେଇ  ମୋ ମନେ ଭରିଲେ ନିଆଁ

• ପହିଲି ବରଷା ପରଶେ ମାଟିରେ   ଲାଗିଲା ଶୀତଳ ଚିଆଁ

• ମୋ ମନ ଉଷ୍ମତା ତୁମ ଶୀତଳତା  ମିଶି ମରିଗଲା ଭୋକ

• ଫଗୁଣ ନିଶିଥ ମଧୂ ଚନ୍ଦ୍ରିକା…।।

•

• ସ୍ନିଗ୍ଧ,କୋମଳ ସୁବର୍ଣ୍ଣ ପ୍ରତିମା    ସେ ରୂପରେ ମନଭୁଲେ

• ଅଧୀର ତୃଷିତ ଦେହ,ମନ ତୃଷ୍ଣା  ଟାଣିନେଲା ତୁମକୋଳେ

• ହଜିଗଲା ମନ ହଜିଲା ସପନ      ଲଭିତୁମ ଅଙ୍ଗ ସୁଖ

• ଫଗୁଣ ନିଶିଥ ମଧୂ ଚନ୍ଦ୍ରିକା…।।

•

• ଅପାସୋରା ଲଗ୍ନ ସେରାତି ସେ ଜହ୍ନ    ଭୁଲିହୁଏ ନାହିଁ ନାହିଁ

• ତୁମେ ଫେରିଯିବା ପଦାଙ୍କିତ ଚିହ୍ନ       ଥିବ ସବୁଦିନ ପାଇଁ

• ସାତ ସାଇତା ସେ ଅତୀତ,ଜୀବନେ   ଅଲେଖା ଅନ୍ୟ ନାଟକ

• ଫଗୁଣ ନିଶିଥ ମଧୂ ଚନ୍ଦ୍ରିକା…