କବି କଲମରେ ବର୍ଷା - ପ୍ରଫୁଲ୍ଲ ଚନ୍ଦ୍ର ମିଶ୍ର

• ବରଷା ଆସଇ ପହିଲି ଆଷାଢ଼

•                         ଅଷାଢୁଆ ଆକାଶରେ

• ବିଜୁଳି ଚମକ କଳାମେଘି ରୂପ      ଇନ୍ଦ୍ରଧନୁ ସାତ ରଙ୍ଗରେ,,

•            ତା ରିମି ଝିମି ଗୀତ ତାଳେ ,

•                     ଘୋର ଗରଜନ ଟମକ ନିଶାଣ

• ମନରେ ଛନକା ଭରେ   ।।

• ଘୋର ଘନଘଟା ବଉଦ ଶୂନ୍ୟତା

•                                   ପୂର୍ଣ୍ଣକରି ନିଏ ଆବୋରି 

• ଅନିଳ ପ୍ରବାହେ ତାଳଦେଇ ଖେଳେ     ମଉସୁମୀ ଦିବା,ସର୍ବରୀ ,,

•                   ଅହିଭୁଜ ବନାନୀ ରେ ,

•                           ସବୁଜ ମଞ୍ଜୁଳ ମଞ୍ଜରୀ ଗହଳେ

• ପୁଚ୍ଛ ଟେକି ନୃତ୍ୟ କରେ   ।।

• ନବ ଦୁର୍ବାଦଳ ଲତା ମହୀଧର

•               ରଙ୍ଗେ ସବୁଜିମା ଧରଣୀ

• କଦମ୍ବ ଫୁଲର ମହକ ବିଛାଇ     ଆସିଲା ବରଷା ରାଣୀ,,

•         ସୁପ୍ତ ଭୃଣେ ପ୍ରାଣ ଭରେ , 

•              ଧୂସର ମାଟିରେ ସବୁଜ ବରଣା

• ମଉସୁମୀ ଆସିବାରେ ।।

• ନିଶବଦ ହେଲା ଝିଙ୍କାରି ଶବଦ

•                 ନାରୀମୁଖ ବାଦ୍ୟ ସମ

• ମଣ୍ଡୁକ ରାବରେ ମୁଖରିତ ହୁଏ       ଏଇତ ବରଷା ଦିନ ,,

•      ବିରହି ପ୍ରବାସେ ଝୁରେ ,

•          ଅତିଭୋଳେ ରୋଳେ ପ୍ରୀୟା ପାସେତାର

• ଚିଟାଉ ଦିଏ ମେଘ ରେ   ।।

• କୃଷକ ପରାଣେ ନବ ଉନ୍ନାଦନା

•                  ଯାଗେ ନବ ଅଭିଳାଷ

• ପହିଲି ଆଷାଢ଼ ରଜ ପରେ ପରେ      ଗଡେ ଜଗା ନନ୍ଦିଘୋଷ ,,

•      ବରଷା କାଳ ମହୀରେ ,

•               ଉପଗତ ହୁଏ ନିଦାଘ ଦୂରେଇ

• ପ୍ରକୃତି ଋତୁ ଚକ୍ରରେ  ।।