ଏବେବି ପାଉଛି ଭଲ
କେବେ ସାଜିବିନି ତୁମ ବାଟେ କଣ୍ଟା
ମାଗିବିନି ପ୍ରେମ ମୂଲ ।
ତୁମେ ମୋ ସାଥିରେ ଛଳନା କରିଲ
ବିଶ୍ୱାସରେ ଦେଲ ବିଷ
ଈଶ୍ୱରଙ୍କୁ କରେ ନିତି ନିବେଦନ
ତୁମ ଓଠେଫୁଟୁ ହସ ।
ଜହ୍ନ ଜୋଛନା ରେ ଭିଜେଇଇବ କହି
ଉଆଁସରେ ହଜେଇଲ
କେବେ ସାଜିବିନି ତୁମ ବାଟେ କଣ୍ଟା
ମାଗିବିନି ପ୍ରେମ ମୂଲ - - - -
ହସିଉଠୁ ପ୍ରିୟା ତୁମରି ସଂସାର
ସ୍ୱାମୀ ସନ୍ତାନଙ୍କୁ ପାଇ
ମୋ ଜୀବନେ ଆସୁ ଦାରୁଣ ନିଦାଘ
ତୁମ ପାଇଁ ଥାଉ ଛାଇ ।
ମଲା ଯାଏଁ କିନ୍ତୁ ଭୁଲି ପାରିବିନି
ଯାହା ତୁମେ ଦେଇ ଗଲ
କେବେ ସାଜିବିନି ତୁମ ବାଟେ କଣ୍ଟା
ମାଗିବିନି ପ୍ରେମ ମୂଲ - - - -
ସିଦ୍ଧେଶ୍ବର ତ୍ରିପାଠୀ,
କବିର ଘର, କୁଣ୍ଡିଲୋ, କେରଙ୍ଗ, ଖୋର୍ଦ୍ଧା
ଦୂରଭାଷ: ୮୦୧୮୬୪୬୭୦୪
